Sujanarvuda Radhita Pada Yugam

#

Krsna Kirtana Songs est. 2001                                                                                                                                                 www.kksongs.org

Home ⇒ Song Lyrics ⇒ S

Song Name: Sujanarvuda Radhita Pada Yugam

Official Name: Srila Prabhupada Padma Stavakah

Author: Sridhara Goswami

Book Name: None

Language: Sanskrit

LYRICS:

(१)

सुजनार्वुदराधितपादयुगं

युगधर्मधुरन्धरपात्रवरम्

वरदाभयदायकपूज्यपदं

प्रणमामि सदा प्रभुपादपदम्

(२)

भजनोर्जित सज्जनसङ्घपतिं

पतिताधिककारुणिकैकगतिम्

गतिवञ्चितवञ्चकाचिन्त्यपदं

प्रणमामि सदा प्रभुपादपदम्

(३)

अतिकोमलकाञ्चनदीर्घतनुं

तनुनिन्दितहेममृणालमदम्

मदनार्वुदवन्दितचन्द्रपदं

प्रणमामि सदा प्रभुपादपदम्

(४)

निजसेवकतारकरञ्जिविधुं

विधुताहितहुङ्कृतसिंहवरम्

वरणागतबालिशषण्डपदं

प्रणमामि सदा प्रभुपादपदम्

(५)

विपुलीकृतवैभवगौरभुवं

भुवनेषु विकीर्तित गौरदयम्

दयनीयगणार्पितगौरपदं

प्रणमामि सदा प्रभुपादपदम्

(६)

चिरगौरजनाश्रयविश्वगुरुं

गुरुगौरकिशोरकदास्यपरम्

परमादृतभक्तिविनोदपदं

प्रणमामि सदा प्रभुपादपदम्

(७)

रघुरूपसनातनकीर्तिधरं

धरणीतलकीर्तितजीवकविम्

कविराजनरोत्तमसख्यपदं

प्रणमामि सदा प्रभुपादपदम्

(८)

कृपया हरिकीर्तनमूर्तिधरं

धरणीभरहारकगौर जनम्

जनकाधिकवत्सलस्निग्धपदं

प्रणमामि सदा प्रभुपादपदम्

(९)

शरणागतकिङ्कर कल्पतरुं

तरुधिक्कृतधीरवदान्यवरम्

वरदेन्द्रगणार्च्चितदिव्यपदं

प्रणमामि सदा प्रभुपादपदम्

(१०)

परहंसवरंपरमार्थपतिं

पतितोद्धरणे कृतवेशयतिम्

यतिराजगणैःपरिसेव्यपदं

प्रणमामि सदा प्रभुपादपदम्

(११)

वृषभानुसुतादयितानुचरं

चरणाश्रितरेणुधरस्तमहम्

महदद्भुतपावनशक्तिपदं

प्रणमामि सदा प्रभुपादपदम्

UPDATED: January 10, 2017