Nava Nirada Nindita

#

Krsna Kirtana Songs est. 2001                                                                                                                                                 www.kksongs.org

Home ⇒ Song Lyrics ⇒ N

Song Name: Nava Nirada Nindita

Official Name: Vrajaraja-Sutastakam

Author: Anonymous

Book Name: None

Language: Sanskrit

LYRICS:

(१)

नवनीरदनिन्दितकान्तिधरं

रससागरनागरभूपवरम्

शुभवङ्किमचारुशिखण्डशिखं

भज कृष्णनिधिं व्रजराजसुतम्

(२)

भ्रुविशङ्कितवङ्किमशक्रधनुं

मुखचन्द्रविनिन्दितकोटिविधुम्

मृदुमन्दसुहास्यसुभाष्ययुतं

भज कृष्णनिधिं व्रजराजसुतम्

(३)

सुविकम्पदनङ्गसदङ्गधरं

व्रजवासिमनोहरवेशकरम्

भृशलाञ्छितनीलसरोज दृशं

भज कृष्णनिधिं व्रजराजसुतम्

(४)

अलकावलिमण्डितभालतटं

श्रुतिदोलितमाकरकुण्डलकम्

कटिवेष्टितपीतपटम् सुधटं

भज कृष्णनिधिं व्रजराजसुतम्

(५)

कलनूपुरराजितचारुपदं

मणिरञ्जितगञ्जितभृङ्गमदम्

ध्वजवज्रझषाङ्कितपादयुगं

भज कृष्णनिधिं व्रजराजसुतम्

(६)

भृशचन्दनचर्चितचारुतनुं

मणिकौस्तुभगर्हितभानुतनुम्

व्रजबालशिरोमणिरूपधृतं

भज कृष्णनिधिं व्रजराजसुतम्

(७)

सुरवृन्दसुवन्द्यमुकुन्दहरिं

सुरनाथशिरोमणिसर्वगुरुम्

गिरिधारिमुरारिपुरारिपरं

भज कृष्णनिधिं व्रजराजसुतम्

(८)

वृषभानुसुतावरकेलिपरं

रसराजशिरोमणिवेशधरम्

जगदीश्वरमीश्वरमीड्यवरं

भज कृष्णनिधिं व्रजराजसुतम्

UPDATED: November 7, 2015