Mrdutalarunya Jita Rucira

#

Krsna Kirtana Songs est. 2001                                                                                                                                                 www.kksongs.org

Home ⇒ Song Lyrics ⇒ M

Song Name: Mrdutalarunya Jita Rucira

Official Name: Madana Gopaladevastakam

Author: Visvanatha Cakravarti Thakura

Book Name: Stavamrta Lahari

Language: Sanskrit

LYRICS:

(१)

मृदुतलारुण्यजितरुचिरदरदप्रभं

कुलिशकञ्जारिदरकलसझषचिह्नितम्

हृदि ममाधाय निजचरणसरसीरुहं

मदनगोपाल! निजसदनमनु रक्ष माम्

(२)

मुखरमञ्जीरनखशिशिरकिऋअणावली

विमलमालाभिरनुपदमुदितकान्तिभिः

श्रवणनेत्रश्वसनपथसुखद नाथ हे

मदनगोपाल! निजसदनमनु रक्ष माम्

(३)

मणिमयोष्णीषदरकुटिलिमणिलोचनोच्

चलनचातुर्यचितलवणिमणिगण्डयोः

कनकताटङ्करुचिमधुरिमणि मज्जयन्

मदनगोपाल! निजसदनमनु रक्ष माम्

(४)

अधरशोणिम्नि दरहसितसितिमार्चिते

विजितमाणिक्यरदकिरणगणमण्डिते

निहितवंशीक जनदुरवगमलील हे

मदनगोपाल! निजसदनमनु रक्ष माम्

(५)

पदकहारालिपदकटकनटकिङ्किणी

वलय ताटङ्कमुखनिखिलमणिभूषणैः

कलितनव्याभ निजतनुरुचिभूषितैर्

मदनगोपाल! निजसदनमनु रक्ष माम्

(६)

उडुपकोटीकदनवदनरुचिपल्लवैर्

मदनकोटीमथननखरकरकन्दलैः

द्युतरुकोटीसदनसदयनयनेक्षणैर्

मदनगोपाल! निजसदनमनु रक्ष माम्

(७)

कृतनराकारभवमुखविबुधसेवित!

द्युतिसुधासार! पुरुकरुण! कमपि क्षितौ

प्रकटयन्प्रेमभरमधिकृतसनातनं

मदनगोपाल! निजसदनमनु रक्ष माम्

(८)

तरणिजातीरभुवि तरणिकरवारक

प्रियकषण्डास्थमणिसदनमहितस्थिते!

ललितया सार्धमनुपदरमित! राधया

मदनगोपाल! निजसदनमनु रक्ष माम्

(९)

मदनगोपाल! तव सरसमिदमष्टकं

पठति यः सायमतिसरलमतिराशु तम्

स्वचरणाम्भोजरतिरससरसि मज्जयन्

मदनगोपाल! निजसदनमनु रक्ष माम्

UPDATED: January 29, 2017